Autoriteti i Konkurrencës ka iniciuar një hetim paraprak ndaj kompanisë SHPRESA – AL SHPK, e cila ofron shërbime transporti urban në Bashkinë Kamëz. Kjo vendim erdhi pas ankesave të ndryshme që janë paraqitur në institucion dhe shqetësimeve të ngritura në media për rritjen e çmimeve të biletave dhe aboneve për transportin urban.
Hetimi do të fokusohet në analizimin e kushteve të konkurrencës së lirë dhe efektive në tregun e transportit urban, veçanërisht për disa linja kyçe si Kamëz – Tiranë – Kamëz dhe Paskuqan – Babrru – Tiranë.
Sipas dokumenteve zyrtare, SHPRESA – AL SHPK është operatori i vetëm i licencuar për këto linja, duke i dhënë atij një pozitë dominuese në treg, për sa i takon Ligjit për Mbrojtjen e Konkurrencës.
Autoriteti i Konkurrencës ka bërë një vlerësim paraprak dhe ka konstatuar se nuk ka pasur analiza të plota ekonomike ose financiare që të justifikonin rritjen e çmimeve të biletave dhe aboneve.
Kjo rritje duhet të ishte mbështetur nga një rritje reale e kostove dhe të ishte e nevojshme në mënyrë ekonomike dhe e justifikuar në baza objektive tregu.
Prandaj, hetimi do të përfshijë periudhën nga 1 janari deri më 12 dhjetor 2025, në mënyrë që të zbulohet nëse veprimet e SHPRESA – AL SHPK kanë shkelur normat mbi konkurrencën, sipas Ligjit nr. 9121/2003.
