Një fluturim i easyJet nga Malaga në Londër u vonua për rreth 12 orë, për shkak të vdekjes së një pasagjere britanike 89-vjeçare disa minuta para nisjes. Incidenti shkaktoi tronditje mes pasagjerëve dhe ekuipazhit. Dëshmitarët thanë se gruaja, e cila u sill në aeroplan me karrocë nga anëtarët e familjes, kishte shprehur se nuk ndihej mirë dhe ishte e shtrirë. Megjithatë, disa nga pasagjerët pretenduan se ajo kishte ndërruar jetë para hipjes në aeroplan, një akuzë që easyJet e hodhi poshtë.
Kompania ajrore deklaroi se pasagjerja kishte një certifikatë mjekësore që e bënte të aftë për fluturim. Sipas easyJet, ajo kishte kërkuar ndihmë mjekësore pasi avioni kishte filluar lëvizjen drejt pistës, dhe fatkeqësisht vdiq gjatë kësaj kohe. Në përputhje me procedurat, avioni u kthye në terminal për të zbarkuar pasagjerët dhe ndihma mjekësore u thirr.
Fluturimi ishte caktuar të niste në orën 11:15 dhe të mbërrinte në Londër në ora 13:10, por, pas vonesës, ai u nis vetëm në orën 22:47 dhe mbërriti në Gatwick rreth mesnatës. Garda Civile spanjolle konfirmoi se oficerët u thirrën për të asisteuar për vdekjen e pasagjeres, e cila u shpall e vdekur pas orës 11 të mëngjesit. Megjithatë, nuk ka informacione nëse janë marrë masa ndaj familjarëve të saj dhe as për fatin e trupit të gruas pas nxjerrjes nga aeroplani.
EasyJet shprehu ngushëllimet e saj për familjen e pasagjeres dhe theksoi se mirëqenia e pasagjerëve dhe ekuipazhit mbetet prioriteti kryesor i kompanisë. Incidenti tregon për sfidat që ndodhin në fluturimet ajrore dhe situatat e papritura që mund të ndodhin gjatë udhëtimeve.
