Legjenda e Real Madridit, Marcelo, ka pranuar se përballjet me Lionel Messin ishin një torturë e vërtetë për çdo mbrojtës. Ish-mbrojtësi brazilian, i cili është përballur me lojtarët më të mëdhenj të planetit, e ka cilësuar yllin argjentinas si një nga kundërshtarët më të vështirë të karrierës së tij.
Në një intervistë të fundit, 37-vjeçari theksoi se Messi ishte një “dhimbje koke” e vazhdueshme në fushë, por nuk ishte i vetmi emër që i ka shkaktuar probleme serioze gjatë viteve në elitë.
“Kundërshtari im më i vështirë? Messi ishte një makth i vërtetë. Jesús Navas ma ka bërë jetën shumë të vështirë, po ashtu edhe Xabi Prieto. Edhe Pedro ishte shumë i fortë për t’u mbrojtur,” u shpreh Marcelo.
Megjithatë, pavarësisht madhështisë së Messit, Marcelo mbetet besnik ndaj ish-shokut të tij të skuadrës te Real Madridi, Cristiano Ronaldos, të cilin e konsideron lojtarin më të mirë në botë:
“Messi është i jashtëzakonshëm. Të gjithë i pëlqenin t’i shikonin të dy, por unë më pëlqente të shikoja vetëm njërin. Jam një tifoz i madh i Cristiano Ronaldos.”
Marcelo ishte pjesë e Real Madridit nga viti 2007 deri në 2022, duke zhvilluar 546 ndeshje, shënuar 38 gola dhe dhënë 104 asistime, duke u kthyer në një nga mbrojtësit më të suksesshëm në historinë e klubit. Në shkurt të këtij viti, ai njoftoi tërheqjen nga futbolli profesionist, ndërsa klubi i fundit i karrierës së tij ishte skuadra e zemrës, Fluminense.
