Në një ceremoni të veçantë, trajnerja e njohur e futbollit Sarina Wiegman shprehu kënaqësinë e saj pas fitimit të një trofeu të ri.
Ajo e nisi fjalën duke theksuar se ishte një nder i madh të ishte sërish e pranishme në këtë event, duke falënderuar BBC-në dhe jurinë vlerësuese, si dhe duke përgëzuar të gjithë trajnerët që kanë arritur suksese me ekipet e tyre gjatë kësaj vere.
Wiegman vlerësoi mbështetjen e vazhdueshme që i është ofruar nga Federata e Futbollit (FA), e cila, sipas saj, krijon gjithmonë kushtet e duhura për arritjen e rezultateve maksimale.
Ajo theksoi se çmimi u përket mbi të gjitha lojtareve dhe stafit, duke nënvizuar se ka qenë pjesë e një ekipi të jashtëzakonshëm me një grup shumë të lidhur lojtarësh dhe trajnerësh.
“Duhet të jemi gjithmonë të përgatitur dhe të japim më të mirën tonë, por ajo që bëri diferencën ishte fakti se ishim ekipi më i bashkuar dhe shumë të lidhur mes nesh,” u shpreh ajo.
Në fund, Sarina Wiegman u bëri thirrje të gjithë trajnerëve, veçanërisht atyre femra, që të gëzojnë punën e tyre dhe të kenë besim në atë që bëjnë. “Ju mund të bëni një ndryshim të vërtetë,” përfundoi ajo.
