Është zbardhur dëshmia e 50-vjeçarit Pjetër Marku, i cili u plagos me armë zjarri mbrëmjen e kësaj të mërkure në Mamurras, pas një debati me një person tjetër.
Marku ka deklaruar para uniformave blu se me autorin janë zënë për makinën, ndërsa nuk dihet ende nëse ata njiheshin mes tyre.
“U zumë për makinën”, raportohet të ketë thënë ai në dëshminë paraprake..
Sipas raportimeve konflikti ka nisur pasi Marku i ka kërkuar autorit të lëvizte me kujdes dhe të mos xhironte gomat e automjetit, dhe më pas konflikti ka agravuar në përdorimin e armëve.
Pas plagosjes autori i dyshuar, identiteti i të cilit ende nuk bëhet me dije është arratisur nga vendi i ngjarjes, ndërsa Marku është paraqitur në Spitalin e Traumës i plagosur, ku ka marrë ndihmë mjekësore.
