Policia e Pogradecit prej 1 muaji ka vijuar hetimet lidhur me persona që kryejnë gërrmime në zonën e varreve monumentale ilire të fshatit Selcë të poshtme në Mokër.
Sipas raportimeve kanë qenë tre të rinj të cilët janë konstatuar duke kryer gërmime në këtë zonë arkeologjike. Policia ka shoqëruar tre të rinjtë në Komisariat për zbardhjen e rrethanave.
Burime bëjnë me dije se gërmimet bëhen për shkak të gjetjeve të sendeve me vlerë pasi zona është arkeologjike dhe nuk lejohet që të kryhet asnjë gërrmim brenda territorit.
Policia ka sekuestruar një metalkërkues dhe mjetin me të cilin tre personat kanë shkuar në varrezat e Selcës.
