Pavarësisht rritjes së çmendur të biletave, të paktën pesë milionë tifozë nga e gjithë bota kanë aplikuar për të qenë pjesë e Kupës së Botës 2026.
Sipas FIFA-s, për ndeshjet e turneut që do të zhvillohet në SHBA, Kanada dhe Meksikë, tashmë janë regjistruar pesë milionë kërkesa për bileta. Ndeshja më e kërkuar është ajo mes Kolumbisë dhe Portugalisë, që do të luhet më 27 qershor në Miami.
Tifozë nga mbi 200 vende kanë dorëzuar kërkesat e tyre, pavarësisht kritikave të forta për politikat e çmimeve. Shoqata e Tifozëve të Futbollit (FSA) e ka quajtur strukturën e re të çmimeve “skandaloze”.
Për shembull:
- Biletat e fazës së grupeve kushtojnë tre herë më shumë se ato të Botërorit në Katar.
- Bileta më e lirë për finalen shkon deri në 4,162 dollarë.
FSA është bashkuar me Federatën Evropiane të Tifozëve (FSE), duke kërkuar pezullimin e shitjeve të biletave derisa FIFA të ulet në negociata me përfaqësuesit e tifozëve për rishikimin e çmimeve.
