Rrugëtimi i Shqipërisë për kualifikueset e Botërorit 2026 do të kalojë në Grupin K, ku kuqezinjtë do të përballen me Anglinë, Serbinë, Andorrën dhe Letoninë. Ky short ka ngjallur shumë emocione te tifozët dhe lojtarët, ndërsa një nga ata që ka komentuar këtë grup ka qenë Taulant Seferi.
Mbrojtësi i Kombëtares shqiptare ka shpërndarë mendimet e tij për sfidat që presin dhe për përballjen e mundshme me Serbinë, e cila është një nga rivalët më të nxehtë në këtë grup.
Seferi ka pranuar se, kur u mësua që Shqipëria do të luante ndaj Serbisë, menjëherë ka menduar për emocionet që do të shoqërojnë këtë ndeshje. “Kur na ra Serbia direkt mendova se do të jetë një kompeticion shumë emocional për të gjithë ne lojtarët. U kam thënë edhe shokëve që duhet të jemi me kokën e ftohtë dhe me zemrën flak”, tha Seferi.
Pavarësisht tensioneve të mëparshme, Seferi shpreson që tani të jetë një kompeticion më i qetë dhe më i fokusuar në futbollin e pastër. Ai u shpreh se shpreson që Shqipëria të tregojë profesionalizëm dhe të fitojë të dy ndeshjet kundër Serbisë, duke i dhënë një drejtim të suksesshëm rrugëtimit të saj për kualifikim.
“Do zoti shënoj dhe padyshim që po, e kemi shqiponjën në zemër në mes të Beogradit”, tha ai.
