Plagosi me thikë shokun e klasës për një foto në rrjetet sociale, gjykata e Fierit lë në burg 17-vjeçarin

Gjykata e Fierit ka lënë në burg 17-vjeçarin që plagosi me thikë shokun e tij të klasës, pas një konflikti për publikimin e fotove në rrjetet sociale. 

Sipas raportimeve, i mituri nuk ka pranuar të flasë në sallën e gjyqit. “Nuk jam në gjendje të flas, jam në ankth”, kanë qenë fjalët e tij në sallën e gjyqit. Ndaj 17-vjeçarit rëndon akuza për kryerjen e veprës penale “Vrasje me dashje e mbetur në tentativë”. 

Sipas dëshmisë së të plagosurit, konflikti ka nisur një muaj më parë pas postimit të disa fotove në rrjetet sociale. Kjo ngjarje tronditi sërish opinionin publik, pasi 14-vjeçari, Martin Cani humbi jetën mesditën e 18 nëntorit. Cani u godit për vdekje me thikë nga bashkëmoshatari i tij pranë shkollës “Fan Noli”.