Policia e Vaut të Dejës, në bashkëpunim me Forcën e Posaçme “Shqiponja”, ka zhvilluar dhe finalizuar operacionin e koduar “SHADOW”, në kuadër të goditjes së veprimtarive kriminale në fushën e narkotikëve.
Si rezultat i operacionit, u kap në flagrancë dhe u arrestua shtetasi K. P., 32 vjeç, banues në fshatin Kapedan, i cili shiste lëndë narkotike kanabis në lokalin e tij.
Gjatë kontrollit të kryer në lokal dhe në një ambient ngjitur, shërbimet e Policisë sekuestruan një sasi kanabisi, e ndarë në doza të gatshme për shitje.
Materialet i janë referuar Prokurorisë për veprat penale:
“Prodhimi dhe shitja e narkotikëve” “Përshtatja e lokalit për përdorim droge”
Policia e Vaut të Dejës thekson se operacionet për rritjen e sigurisë dhe goditjen e paligjshmërive do të vijojnë në çdo zonë të qarkut.
