Piloti britanik i McLaren, Lando Norris, është shpallur kampioni botëror i Formula 1 për vitin 2025. Pas këtij triumfi historik, britaniku nuk i mbajti dot emocionet, megjithëse u përpoq ta kalonte momentin edhe me humor.
“ Këto s’janë lot, nuk po qaj! Sinqerisht, nuk mendoja se do të qaja,” tha Norris me sy të mbushur me lot. “Sezoni ishte shumë i gjatë. Dua të falënderoj ekipin për këtë arritje. Çfarë makine e jashtëzakonshme. Faleminderit familjes dhe të gjithë atyre që më kanë mbështetur.”
Norris nuk harroi të përmendte edhe rivalët e tij më të fortë gjatë sezonit:
“Është një ndjenjë e pabesueshme. Falënderoj Max Verstappen dhe Oscar Piastri – ishin rivalë të jashtëzakonshëm dhe ishte kënaqësi të garoja me ta. Kam mësuar shumë nga të dy dhe me të vërtetë e kam shijuar këtë sezon.”
