Andrés Iniesta është parë sot në qendrën stërvitore të Barcelonës, duke u rikthyer edhe një herë pranë klubit ku u bë legjendë.
Barcelona publikoi foto dhe video ku 41-vjeçari shfaqet duke ndarë këshilla dhe eksperiencë me talentet e rinj të ekipit, ndërsa u përshëndet ngrohtësisht me lojtarët aktualë. Në pamje, Lamine Yamal, Pedri dhe Fermín López pozuan për foto me mesfushorin ikonik.
Iniesta ka një histori të jashtëzakonshme me Barcelonën: 674 ndeshje, 57 gola dhe 136 asistime me ekipin e parë.
