Autoritetet belgjike kanë liruar ish-shefen e politikës së jashtme të BE-së, Federica Mogherini, zyrtarin e Komisionit Evropian, Stefano Sannino dhe një të dyshuar tjetër pas pyetjeve lidhur me një hetim për korrupsion. Të tre ata u ndaluan të martën pas nisjes së një hetimi nga Zyra e Prokurorit Publik Evropian (EPPO) për një skandal mashtrimi të lidhur me një akademi trajnimi për diplomatët e rinj, e financuar nga BE.
Mogherini, që ka shërbyer si zyrtari më i lartë i politikës së jashtme të BE-së nga viti 2014 deri në vitin 2019, është rektore e Kolegjit të Europës që nga viti 2020, një institucion i njohur në Bruges që ndihmon në formimin e pjesëtarëve të ardhshëm të institucioneve evropiane. Sannino është drejtor i Drejtorisë së Përgjithshme për Lindjen e Mesme, Afrikën e Veriut dhe Gjirin të Komisionit Evropian dhe ka shërbyer si sekretar i përgjithshëm i EEAS nga viti 2021 deri në vitin 2024.
Policia kreu kërkime në ambjentet e Kolegjit të Europës në Bruges dhe në Shërbimin e Veprimit të Jashtëm Europian në Bruksel. EPPO njoftoi se tre të dyshuarit u njoftuan zyrtarisht për akuzat ndaj tyre, të cilat përfshijnë mashtrim në prokurim, korrupsion, konflikt interesi dhe shkelje të sekretit profesional. Ata u liruan sepse nuk konsiderohen si rrezik për t’u arratisur. Prokurori theksoi se të gjithë janë të pafajshem derisa të dëshmohet ndryshe nga gjykatat belge.
Kolegjit të Europës e ceku se do të bashkëpunojë me autoritetet për këtë rast dhe se mbetet e angazhuar për standardet më të larta të integritetit dhe ndershmërisë. Hetimi përqendrohet në atë nëse EEAS ka shkelur rregullat e tenderimit duke ndarë informacione me Kolegjit të Europës para se një projekt trajnimi të shpallet zyrtarisht. EPPO dyshon se janë shpërfillur rregullat e konkurrencës dhe se informacione të fshehta lidhur me prokurimin aktual janë ndarë me një nga kandidatët që morën pjesë në tender.
