Barcelona mori një fitore të rëndësishme 3-1 ndaj Atlético Madridit në javën e 15-të të La Liga-s, duke shkuar në 37 pikëdhe duke vazhduar e vetme në krye të renditjes. Atlético mbetet në 31 pikë, pasi u ndëshkua në pjesën e dytë dhe në minutat shtesë.
Ndeshja nisi me goditje për katalanasit, pasi Atlético kaloi i pari në avantazh me Álex Baena në minutën e 19-të. Reagimi i Barçës ishte i shpejtë: Raphinha barazoi në minutën e 26-të pas asistit të Pedrit, duke rikthyer qetësinë te vendasit. Në minutën e 36-të, Barcelona pati shansin të përmbyste rezultatin, por Robert Lewandowski humbi një penallti, dhe pjesa e parë u mbyll 1-1.
Vendimtarja erdhi në fraksionin e dytë: Dani Olmo realizoi golin e 2-1 në minutën e 65-të, duke i dhënë Barçës epërsinë dhe kontrollin e lojës. Atlético u përpoq të rikthehej, por në fund u “shua” nga goli i Ferran Torres në 90+6’, pas asistit të Alejandro Balde, që vulosi rezultatin final 3-1.
