Ric Flair ka akuzuar publikisht rrethanat që çuan në vdekjen e legjendës së WWE, Hulk Hogan, i njohur ndryshe si Terry Gene Bollea. Hogan ndërroi jetë në korrik, në moshën 71-vjeçare, pas një ataku kardiak në shtëpinë e tij në Florida. Vdekja e tij shkaktoi reagime të shumta nga adhuruesit e mundjes. Sipas miqve të Hogan, gjendja e tij shëndetësore kishte pësuar përkeqësim të shpejtë pas një operacioni, ku iu dëmtua nervi frenik.
Flair, një tjetër ikone e mundjes dhe dy herë anëtar i WWE Hall of Fame, ka dhënë një intervistë në podcast-in “Double Coverage”, ku e lidh vdekjen e Hogan me përdorimin e substancave të paligjshme për menaxhimin e dhimbjeve. Ai pretendon se Hogan kishte filluar të marrë ilaçet e rrugës pasi mjekët ishin ndalur së përshkruari ilaçe për të përballuar dhimbjet e shumta që kishte për shkak të operacioneve të shumta dhe dëmtimeve. “Kur mjeku nuk pranonte t’i jepte më ilaçe, ai i siguroi nga rruga,” thekson Flair, duke e parë këtë si një faktor të rëndësishëm që i doli në dëm Hogan.
Flair e përshkroi karrierën e tij si po aq të dhimbshme sa ajo e Hogan, duke përmendur një aksident avioni në vitin 1976 dhe lëndime të tjera në ring. Edhe pse ka kaluar përmes disa trajtimesh të rënda, përfshirë një shërim nga melanoma, ai tregon se aktualisht nuk ndjen dhimbje. Megjithatë, rënia drastike e shëndetit të Hogan e shqetëson Flair-in për të ardhmen e tij. Ai shpreh frikën se ndonjëherë mund të përballet me të njëjtin fat, duke thënë: “Kjo më jep ankth se mos jam unë i radhës.”
Akuzat e Flair mbi përdorimin e drogës dhe vdekjen e Hogan vinë si një reflektim mbi rrezikun e jetës së mundësve dhe çmimit që paguajnë për karrierat e tyre në industrinë e mundjes.
