Një foto e vendprehjes së Petro Markos në Dhërmi, ka bërë xhiron e rrjeteve sociale prej ditësh, marrë shkas nga 25 nëntor, dita e lindjes së mjeshtrit të penës Petro Marko.
Gjatë përkujtimit të datës së Çlirimit sot në Vlorë, dy deputetët socialistë të qarkut, Vullnet Sina dhe Damian Gjiknuri pranuan infrastrukturën e shkatërruar të vendprehjes dhe konfirmuan se çështja do të jetë në vëmendjen e kryebashkiakut të Himarës,Vangjel Tavo.
“Bashkia e Himarës ka marrë vendim për ta sistemuar vendin ku ai prehet. Bëhet edhe ndonjë gabim, e rëndësishme është që do korrigjohet shumë shpejt nga bashkia e Himarës. Unë vetë do kasha investuar, por po e bën bashkia e Himarës dhe do ta vendosim në vend nderin dhe figurën e Petro Markos”, tha Vullnet Sinaj.
“Kjo është një gjë që bashkia do ta shikojë shumë shpejt. Jam i bindur që ashtu si këto varrezaq dolën në dritë, besoj se edhe ajo gjë do adresohet. Petro Marko i përket gjithë Shqipërisë dhe është një nga mendjet e ndritura dhe shkrimtarët që e bën krenar çdo shqiptar.
