Instituti i Gjeoshkencave ka ndarë sot një parashikim për situatën e motit për këtë fundjavë.
Sipas të dhënave meteorologjike, kjo fundjavë do të shoqërohet kryesisht nga reshjet e shiut me intesitet të ndryshëm sipas qarqeve.
Po ashtu, pritet që në zonat me lartësi mbi 700 metra mbi nivelin e detit të ketë edhe reshje dëbore.
Gjithashtu, fundjava parashikohet me ulje temperaturash krahasuar me javën e kaluar.
Reshjet:
Sot pasdite (e premte, datë 28 nëntor) dhe nesër (e shtunë, datë 29 nëntor) priten reshje të dobëta deri lokalisht mesatare në qarqet Fier dhe Vlorë të shoqëruara me shtrëngata lokale. Në qarqet e tjera priten reshje të dobëta.
Në Veri dhe Lindje në lartësitë mbi 700 m nga niveli i detit reshjet do të jenë në formë dëbore.
Temperatura:
Nesër temperaturat minimale dhe maksimale të ajrit pritet të arrijnë:
në bregdet: 8 / 13 °C
në vendet e ulëta: 5 / 13 °C
në vendet malore: 1 / 8 °C
Era:
Sot pasdite dhe nesër, era pritet të fryjë e lehtë deri mesatare
