Autoritetet spanjolle kanë goditur një rrjet ndërkombëtar trafiku droge duke sekuestruar mbi 9 ton kokainë në dy porte të mëdha, ato të Vigos dhe Valencias.
Operacioni, i realizuar nga Policia Kombëtare dhe Shërbimi i Mbikëqyrjes Doganore, ka çuar në arrestimin e disa personave, përfshirë një shtetas shqiptar që është tashmë në burg.
Në fund të vitit 2024, hetuesit zbuluan 7,500 kilogramë kokainë të fshehur në një ngarkesë ton frutash që kishte mbërritur në portin e Vigos.
Droga u gjet në një depo në Cambre, afër A Coruña. Ndërkohë, një operacion tjetër në portin e Valencias në nëntor të po këtij viti, çoi në sekuestrimin e 2,005 kilogramëve kokainë, të fshehur në 2,000 pako brenda kutive me fruta nga Ekuadori.
Një pjesë e dërgesave ishte menaxhuar nga një grup i strukturuar, ndër të cilët edhe një shtetas shqiptar që tashmë është arrestuar.
Hetimet zbuluan gjithashtu se trafikantët përdornin metoda gjithnjë e më sofistikuara për të fshehur drogat, si për shembull fshehjen e saj brenda strukturës së dyshemesë së kontejnerëve, duke shmangur metodat tradicionale të fshehjes, si grepi i verbër ose njësitë e ftohjes.
