Prej orësh tanimë Meta po përballet me një kolaps në të gjithë botën. Rrjetet sociale si “Instagram”, “Facebook”, “Whatsapp” kanë dalë jashtë funksionit dhe përdoruesit janë duke u përballur me probleme të mos funksionimit të këtyre aplikacioneve.
Lidhur me këtë ka ardhur së fundmi edhe reagimi i Mark Zuckerberg. Përmes një njoftimi në platformën “Twitter” ose ndryshe “X” të Elon Musk, META bën të ditur se Facebook, Instagram dhe WhatsApp po përballen me një problem teknik.
“Ne jemi të vetëdijshëm se një problem teknik po ndikon në aftësinë e disa përdoruesve për të hyrë në aplikacionet tona. Ne po përpiqemi t’i kthejmë gjërat në normalitet sa më shpejt të jetë e mundur dhe kërkojmë falje për çdo shqetësim”, thuhet në njoftim.
