Sezoni i festave duket se ka filluar zyrtarisht në Shtëpinë e Bardhë, pasi këtë të hënë Zonja e Parë, Melania Trump mori pemën e Krishtlindjes së vitit 2025.
Pema e Krishtlindjes, një bredh që vjen nga Michigani, do të jetë i vendosur në pjesën qendrore të Dhomës Blu, sipas mediave amerikane.
Ky aktivitet shënon fillimin e një serie aktivitetesh të planifikuara nga familja presidenciale për javët e ardhshme.
Turnet në Shtëpinë e Bardhë, të cilat u ndalën në shtator për shkak të ndërtimit të Krahut Lindor për sallën e ballove të Trump, janë rihapur gjithashtu pikërisht në kohë për festat dhe vizitorët mund të shohin nga afër përgatitjes festive.
Bredhi 25 metra i gjatë u rrit në “Fermat e Pemëve Korson” në Michigan, rreth 150 milje në veriperëndim të Detroitit.Çdo fundvit, një nga detyrat e Zonjës së Parë të SHBA-ve është edhe kujdesi për dekorimin festiv të Shtëpisë së Bardhë, të ideuar çdo vit sipas një tematike të caktuar.
