Një shqiptar është arrestuar në Belgjikë. Policia belge gjatë një operacioni në Anterëep ka goditur një grup kriminal, ku në pranga bashkë me shqiptarin kanë rënë edhe 4 belgë.
Gjatë opercionit, është sekuestruar një sasi prej 672 kilogramë kokaine në një kontejner të ngarkuar me kafe me origjinë nga Kolumbia.
Sipas medias së huaj, të premten, autoritetet kapën dërgesën, e cila përmbante drogën e mbështjellë me çanta sportive të mbuluara me fletë metalike. Kokaina kishte mbërritur në një kontenier nga Kolumbia. Sipas zyrës së prokurorit publik të Antëerpen, zbulimi ishte pjesë e një hetimi më të gjerë.
Në qershor, policia kreu disa kontrolle në shtëpi, të cilat çuan në informacione shtesë për një 29-vjeçar. Kjo bëri që policia e Antwerp-it të hapte një hetim të ri për një rrjet kriminal që dyshohet se organizonte dërgesën e kokainës.
Ndaj të arrestuarve janë vendosur masat e sigurisë dhe mbi ta rëndon vepra penale e trafikimit të lëndëve narkotike kryer në bashkëpunim.
