Në emisionin “Live From Tirana”, gazetari Bled Mane ka bërë një deklaratë befasuese lidhur me marrëdhënien e tij me ish-konkurrenten Shqipe Hysenaj.
Kur u pyet nëse mes tyre ka diçka më shumë se miqësi, Mane shprehu idenë e tij për ttu bërë prindër së bashku, duke bërë propozimin tre herë. Ai u shpreh se kombinimi i karaktereve të tyre do të sillte në jetë një fëmijë “shumë të veçantë”.
Mane theksoi se ishte i shqetësuar për kalimin e kohës për të dy dhe mendonte se një fëmijë me tiparet e tij dhe të Shqipes do të ishte interesante, duke përfshirë një balancë mes tolerance dhe agresiviteti.
Ai gjithashtu shkoi më tej, duke argumentuar se ky propozim nuk kishte të bënte me martesë, por me besimin se një lidhje fizike dhe prindërimi mund të ndihmonte Shqipen të bëhej më e qetë dhe më e stabilizuar.
Megjithatë, Bled Mane pranoi se Shqipe Hysenaj i kishte refuzuar të tria propozimet e tij. Në përfundim, ai bëri një vërejtje kritike, duke sugjeruar se Shqipe nuk është e gatshme të sakrifikojë dhe preferon të ketë gjëra të gatshme.
Kjo deklaratë ka ngjallur shumë reagime midis ndjekësve të tyre, duke i bërë ata të spekulojnë mbi natyrën e mundshme të marrëdhënies mes dy individëve që kanë qenë në qendër të vëmendjes në mediat sociale.
