Gazetari Artan Hoxha është ndaluar herët në mëngjesin e sotëm te kufiri shqiptar-grek, pasi institucione të Greqisë e shpallën atë si person non-grata, duke e detyruar të kthehet pas.
Ky incident ka sjellë reagime të forta, përfshirë një deklaratë nga deputeti i Partisë Socijaliste, Ardit Bido, i cili e cilëson këtë masë si të papranueshme dhe një abuzim të hapur me vlerat evropiane.
Bido shtoi se ndalimi i Hoxhës është rasti i dytë brenda disa viteve që gazetarët shqiptarë ndalohen në kufi për shkak të raportimeve dhe bindjeve të tyre.
Ai u shpreh se është e pahijshme që një vend evropian si Greqia të lejojë ndikimin e nacionalizmit të kaluar në politikën e saj aktuale.
Deputeti tha se kërkimi i të drejtave të shqiptarëve të Çamërisë dhe përballja me nacionalizmin politik – një dukuri e lidhur me grupe si Agimi i Artë dhe individë si Beleri – nuk është vetëm një përgjegjësi e gazetarëve, por një detyrim i çdo shqiptari.
Bido kritikon gjithashtu trajtimin e Hoxhës si një sulm ndaj individëve që angazhohen për mbrojtjen e drejtave kombëtare shqiptare.
Ai thekson se shpallja e tij non-grata është një formë e keqtrajtimit të të drejtave të lirive të shprehjes dhe të zërave kritikë.
