Policia e Krujës ka arrestuar një shtetas kosovar, L. Ç., 43 vjeç, i cili u kap duke transportuar rreth 23 kg e 65 gramë lëndë narkotike, dyshohet se kanabis, me destinacion Kosovën.
Ngjarja ndodhi në “Ura e Stafukës”, pranë fshatit Larushk, ku policia ndaloi automjetin tip “Skoda” që po transportonte drogën. Sipas njoftimit të Policisë së Shtetit, ngarkesa dhe automjeti janë sekuestruar si prova materiale.
Arrestimi u realizua pas një kontrolli rutinë, dhe hetimet për zbardhjen e plotë të këtij rasti vazhdojnë. Autoritetet janë angazhuar për të identifikuar edhe individë të tjerë që mund të jenë të përfshirë në këtë veprimtari kriminale.
Materialet procedurale janë dorëzuar në Prokurorinë përkatëse për veprime të mëtejshme ligjore.
