Të shtëna me armë zjarri janë raportuar mbrëmjen e sotme pranë një qendre tregtare në Fier.
Forcat e policisë kanë blinduar zonën menjëherë në vendin e ngjarjes.
Burime paraprake bëjnë me dije se brenda një lokali ka ndodhur një konflikt i çastit, i cili ka degraduar deri në përdorimin e armës, por fatmirësisht nuk ka të lënduar.
Në njoftimin për mediat, policia thotë:
Fier/Informacion paraprak
Rreth orës 21:30, në një lokal në lagjen “8 Shkurti”, dyshohet se pas një konflikti midis shtetasit R. Ç., 33 vjeç, dhe shtetasit M. S., shtetasi R. Ç. ka qëlluar me armë zjarri në dyshemenë e lokalit.
Shërbimet e Policisë vijojnë kontrollin në zonë për kapjen dhe shoqërimin e dy personave të përfshirë në konflikt.
Grupi hetimor, nën drejtimin e Prokurorisë, vijon punën për zbardhjen dhe dokumentimin e plotë të rrethanave të ngjarjes.
