Kreu i SPAK, Altin Dumani, është dekoruar nga Sekretari Amerikan i Shtetit, Antony Blinken, me çmimin “Kampion i Antikorrupsionit” në një ceremoni të zhvilluar më 9 dhjetor në Departamentin e Shtetit.
Ky vlerësim vjen në kuadër të një iniciative të Shteteve të Bashkuara për të nderuar individë të angazhuar në luftën kundër korrupsionit në nivel global. Ceremonia u mbajt në praninë e zyrtarëve të lartë amerikanë, të cilët e nënvizuan rëndësinë e përpjekjeve të Dumanit në luftën kundër korrupsionit dhe krimit të organizuar.
Në fjalën e tij, Antony Blinken vlerësoi punën e Dumanit, duke theksuar:
“Dumani ka bërë një punë të jashtëzakonshme në luftën kundër korrupsionit. Altin Dumani, nga Shqipëria, drejton një agjenci të re (SPAK). Ka goditur politikanë të lartë, por edhe grupe të rëndësishme kriminale, duke bërë punë të jashtëzakonshme dhe një nga njerëzit më të besueshëm dhe institucion me të besueshme në Shqipëri”.
