Neymar, sulmuesi i Santos, është bërë pronari i të drejtave të markës së legjendarit Pelé.
Sipas mediave braziliane (UOL), marrëveshja është finalizuar përmes kompanisë NR Sports, në pronësi të babait të tij. Vlera e blerjes arrin në 18 milionë dollarë dhe përfshin të drejtën për përdorimin e emrit dhe figurës së Pelé-s, licencimin e produkteve, akses në arkivat historike dhe asetet e tjera komerciale të lidhura me kampionin e trefishtë të botës.
Më herët, kompania e Neymar kishte financuar rinovimin e tribunës VIP të Pelé-s në stadiumin Vila Belmiro, ku u instaluan vende të reja dhe u përmirësuan ambientet e brendshme.
Njoftimi zyrtar i blerjes pritet të bëhet më 19 nëntor — në përvjetorin e golit të 1000-të të Pelé-s.
