Aktorja dhe këngëtarja koreane e K-pop-it, Nana, ka arritur të përballojë një person që hyri me forcë në shtëpinë e saj në Guri, ndërsa ajo ndodhej aty bashkë me nënën.
Sipas raportimeve, një burrë rreth të tridhjetave dyshohet se ka hyrë në pronën e tyre dhe ka kërcënuar të dyja me armë.
Agjencia e Nana-s, e njohur me emrin e saj të vërtetë Im Jin-ah, njoftoi se ajo dhe nëna e saj arritën ta neutralizonin intrusin derisa arritën autoritetet. Gjatë përleshjes, nëna e artistes humbi për një moment vetëdijen, ndërsa të dyja u transportuan më pas për trajtim mjekësor.
Një zyrtar i policisë lokale bëri të ditur se i dyshuari kishte hyrë me qëllim grabitjeje dhe tashmë është arrestuar për vjedhje me dhunë.
Ai kishte kërcënuar gratë dhe kishte kërkuar para, para se të vihej nën kontroll nga to. Edhe vetë intrusi u dërgua në spital pas incidentit.
Nana u bë e njohur që nga viti 2009 me grupin K-pop “After School”, ndërsa në dekadën e fundit ka ndërtuar një karrierë të suksesshme si aktore.
Ajo ka luajtur në disa drama televizive, përfshirë “Kill It” dhe “Justice”, të transmetuara në vitin 2019.
Së fundmi, në shtator, ajo publikoi albumin e saj të parë solo, duke shënuar një etapë të re në rrugëtimin e saj artistik.
