Real Madrid dominoi ndaj Gironës me një fitore 3-0, por u përball me një shqetësim serioz kur Jude Bellingham kërkoi zëvendësim për shkak të një dëmtimi muskular. Anglezit, i cili hapi serinë e golave dhe asistoi për golin e dytë të Arda Guler, iu desh të largohej nga fusha në pjesën e dytë.
Bellingham shënoi golin e parë pas një reagimi të shpejtë në zonë dhe asistoi bukur për golin e dytë të Guler në pjesën e dytë. Pavarësisht largimit të tij, Real Madrid vazhdoi me ritëm të lartë dhe shënoi edhe një gol tjetër në kundërsulm me Kylian Mbappe, pas një asistimi të Luka Modric.
Trajneri Carlo Ancelotti vendosi të mos rrezikojë më tej Bellinghamin, i cili më parë ka pasur probleme muskulore këtë sezon. Megjithatë, mbetet e paqartë nëse mesfushori do të jetë i gatshëm për ndeshjen e ardhshme në Champions League kundër Atalantës.
Pas kësaj fitoreje, Real Madrid ngushton diferencën me Barcelonën në vetëm dy pikë, ndërsa Girona qëndron në vendin e tetë, shtatë pikë larg zonës së Champions League.
