Hakan Calhanoglu, ylli i ekipit kombëtar të Turqisë, mund të mungojë në ndeshjen e fundit të kualifikuesve ndaj Spanjës, një sfidë që në thelb është formale pasi Turqia ka siguruar vendin në playoff për marsin e ardhshëm. Ky vendim është miratuar nga trajneri italian Montella dhe vetë Calhanoglu, që nuk duan të rrezikojnë një lëndim në një ndeshje ku rezultati nuk ka ndikim në klasifikim, pasi Spanja kryeson grupin me 15 pikë, tre më shumë se Turqia.
Mungesa e Calhanoglu ndihmon gjithashtu trajnerin e Interit, Cristian Chivu, duke i dhënë mundësi të ketë një lojtar më të freskët dhe të përgatitur për derbin ndaj Milanit. Në këtë mënyrë, Chivu shpreson të ketë në dispozicion lojtarin e tij kyç pa pasur frikën e lëndimeve që mund të ndikojnë në performancën e ekipit në një moment të tillë të rëndësishëm.
Ndërkohë, Interi po përgatitet për rikthimin e kampionatit, me rrethana optimiste për Denzel Dumfries, i cili u kthye në Itali pas një shqetësimi në kavilje kur ishe grumbulluar me Holandën. Dumfries nuk e vazhdoi grumbullimin, po ka filluar terapia bashkë me Matteo Darmian, i cili është rikuperuar dhe do të jetë i gatshëm për ndeshjen e derbit. Pas një ditepushimi, Dumfries do t’i bashkohet ekipit për stërvitje, duke shpresuar për një rikthim të shpejtë në formë.
Inter do të rinisë punën zyrtarisht të martën me Lautaro Martinez dhe lojtarët e tjerë të kombëtarëve italianë, ndërsa Sucic, Zielinski dhe Akanji do t’i bashkohen skuadrës në ditët në vazhdim. Me këto përgatitje, tekniku Chivu ka për synim të udhëheqë ekipin drejt një performancë pozitive në derbin ndaj Milanit, një ndeshje që pritet me shumë interes nga tifozët dhe analistët e futbollit.
