Gazetarja dhe ish-banorja e Big Brother VIP, Ledjona Xheladinaj, ka pësuar një aksident të rëndë në fshatin Melan të Dibrës rreth dy ditë më parë. Ajo ka mbetur e plagosur dhe aktualisht po merr trajtim mjekësor në spital. Lajmi ka shkaktuar shqetësim te fansat dhe miqtë e saj, por deri më tani nuk ka pasur asnjë reagim zyrtar nga Ledjona vetë apo nga autoritetet policore në lidhje me shkakun e aksidentit dhe gjendjen e saj shëndetësore.
Një prej mikeve të Ledjonës, aktorja Egla Ceno, ka konfirmuar lajmin përmes një postimi në rrjetet sociale, duke i uruar shërim të shpejtë dhe duke i dhënë mbështetje. “Forca Ledjona Xheladinaj! Shërim të shpejtë, për vete, për vajzën tënde dhe për publikun tënd. Të presim”, ka shkruar Egla.
Sipas informacioneve të para, Ledjona ka pësuar fraktura të rënda si pasojë e aksidentit, megjithatë ende nuk dihen detaje të tjera mbi gjendjen e saj shëndetësore dhe rrethanat e aksidentit. Miqtë dhe ndjekësit e saj po shpresojnë për një rikuperim të shpejtë.
