Qendra shëndetësore ambulatore në fshatin Vadardhë të Sukthit është përfshirë nga flakët mesditen e sotme, duke u shkrumbuar totalisht brenda saj.
Sipas banorëve dhe autoriteteve, zjarri ka nisur nga një banesë ngjitur me qendrën shëndetësore.
Nuk raportohet për të lënduar, por dëmet materiale janë të konsiderueshme ndërsa grupi i zjarrfikësve ndërhyri menjëherë për të vënë situatën nën kontroll dhe po heton shkakun e zjarrit.
