Legjenda kroate Luka Modrić nuk ka ndërmend të ndalojë. Sipas La Gazzetta dello Sport, drejtuesit e Milanit kanë vendosur të zgjatin kontratën e tij deri në verën e vitit 2027, duke aktivizuar opsionin e rinovimit pavarësisht se mesfushori ka mbushur 40 vjeç.
Ky vendim vjen si shenjë vlerësimi për kontributin e jashtëzakonshëm të Modrić-it në mesfushën kuqezi. Klubi e sheh atë si një figurë kyçe, jo vetëm për lidershipin në fushë, por edhe për ndikimin që ka te brezi i ri i lojtarëve.
Në këtë sezon, Modrić ka zhvilluar 12 ndeshje në të gjitha kompeticionet, me një gol dhe dy asistime, duke u bërë mesfushori më i moshuar që ka shënuar ndonjëherë në historinë e Serie A.
Rinovimi i pritshëm konfirmon se për kroatin, mosha është thjesht një numër, ndërsa për Milanin, eksperienca e tij mbetet një aset i paçmuar në rrugën drejt suksesit.
