Real Madridi ka publikuar listën për ndeshjen e dytë të Ligës së Kampionëve kundër Lille, dhe surpriza më e madhe është përfshirja e Kylian Mbappé. Sulmuesi francez ishte dëmtuar në ndeshjen kundër Alaves, por rikuperimi i tij ka qenë shumë më i shpejtë se pritej.
Fillimisht ishte parashikuar që dëmtimi muskulor ta mbante jashtë fushës për tri javë, por Mbappé ka punuar intensivisht jashtë grupit dhe tashmë është i gatshëm për ndeshje.
Nëse ai do të marrë pjesë në ndeshje do të vendoset në minutën e fundit, pasi ende ka dyshime për të luajtur plotësisht. Trajneri do të marrë vendimin përfundimtar pas seancës së fundit stërvitore në “Decathlon Arena”, ku lojtari pritet të stërvitet me grupin.
Ndërkohë, portieri Thibaut Courtois nuk është përfshirë në listë për shkak të një dëmtimi muskulor të pësuar gjatë derbit dhe do të mungojë në ndeshjet e kësaj jave.
