Një burrë është gjetur pa shenja jete mëngjesin e sotëm në hyrje të qytetit të Fushë-Arrëzit.
Sipas burimeve nga policia, bëhet fjalë për shtetasin me inicialet P.M., 65-vjeç. Ai u gjet pa shenja jete rreth orës 08:15.
Në trupin e tij nuk janë konstatuar dëmtime apo shenja dhune, megjithatë do të jenë hetimet e mëtejshme ato që do të zbulojnë se çfarë ka ndodhur.
Në njoftimin për mediat Policia thotë:
Pukë/Informacion paraprak! Rreth orës 08:15, në hyrje të qytetit të Fushë-Arrëz, në rrugë është gjetur trupi i pajetë i shtetasit P. M., 65 vjeç. Nga këqyrja paraprake e trupit nuk janë konstatuar shenja dhune apo dëmtime të tjera.
Grupi hetimor vijon punën për përcaktimin e shkakut të humbjes së jetës dhe dokumentimin e rrethanave të këtij rasti.
