Prodhimi i ullirit, krahasuar me vitin e kaluar ka një rënie në masën 40 deri në 50% sipas zonave por cilësia e vajit është më e lartë.
Zona kodrinore e Lushnjës duke nisur nga Thanasaj e deri në kodrat e ujëmbledhësit të Thanës ka të kultivuar rreth 500 mijë rrënjë ullinj.
Fermerët e kësaj zone prej disa ditësh kanë filluar vjeljen dhe përpunimin për vajin e ri.
Prodhimi i ullirit, krahasuar me vitin e kaluar ka një rënie në masën 40 deri në 50% sipas zonave por cilësia e vajit është më e lartë.
Rënia e prodhimit i penalizon kultivuesit e ullirit pasi kostoja është e lartë.
“Kam 800 rrënjë ullinj. Kushtet atmosferike të motit bëjnë punën e vet, thatësira, të gjithë ato. Po vaji është cilësor për mendimin tim me një fjalë se nuk ka ngarkesë. Pra është me cilësi. Për momentin po ikën me shtatëqind lek për litër. Deri diku nuk jemi të kënaqur duhet të ishte pak më e lartë krahasim me shpenzimet që ka për kultivimin e ullinjve”, thotë fermeri Afrim Matjani.
Aktualisht një litër vaj ulliri direkt në fabrike shitet me 700 lekë.
“Ne kemi një javë që kemi filluar sezonin e vajit te ullirit. Prodhimi është shumë i pakët me vitin e kaluar dhe shumë familje mund të rrezikojnë të rrinë pa te ardhura. Vjet shkuam te 12 ton vaj sivjet parashikojmë te 4 ton vaj nuk ka më shumë prodhim i dobët. Ka qenë shumë vere e nxehtë, ne e kemi pa vaditje. Për momentin po e shesim vajin me 700 lek për litër”, shprehet Shyqyri Koçi, fermer.
Për shkak të rënies së prodhimit, çmimi i vajit te ullirit mund të rritet në muajt në vazhdim.
“Prodhimi është më i dobët pritet 40% e prodhimit ndërsa vjet ka pasur goxha prodhim tashi këta janë punët e natyrës. Aktualisht ka pak ngritje të çmimit ngaqë është prodhimi i dobët ka vajtur me 700 lek litri e domethënë mirë është kjo punë për fshatarësinë është mirë sa më i mirë të jetë çmim më mirë është po për momentin këtu shtatë shitet gjithandej këtu te ne”, thotë Sokol Matjani.
“Natyra bën ndikimin e vet domethënë ka mbajtur thatësirë shumë edhe shumë e dobët me plehrat, me kostat që kemi bërë ne tani jemi shumë të dobët për sivjet ka rendiment shumë të ulët ulliri. Një litër vaji sivjet po shitet me 700 lek/litër”, shprehet Sokol Matjani.
Një fenomen i shfaqur prej vitesh në sektorin e bujqësisë është mungesa e fuqisë punëtore për vjeljen e ullinjve.
