Një ndeshje plot emocione dhe përmbysje u mbyll me barazim 2-2 mes Manchester United dhe Tottenham në “Tottenham Hotspur Stadium”, me gjithçka që ndodhi në minutat shtesë.
United kaloi i pari në avantazh në minutën e 32-të me golin e Bryan Mbeumo pas një pasimi të saktë nga Amad Diallo. Tottenham reagoi vonë, por fuqishëm — Mathys Tel barazoi rezultatin në minutën e 84-t, ndërsa Richarlison përmbysi shifrat në minutën e 90+1’, duke ndezur entuziazmin e tifozëve vendas.
Megjithatë, në sekondat e fundit të ndeshjes, Matthijs de Ligt shënoi golin e barazimit për “Djajtë e Kuq” në minutën e 90+6’, pas një krosimi të Bruno Fernandes, duke vulosur një barazim të çmendur që la të dyja skuadrat me nga një pikë.
