Florant Nako, një ish-drejtor banke, është arrestuar në Angli për grabitje që ndodhi në vitet 2018 dhe 2019 në një degë banke në Kombinat.
Sipas informacioneve të siguruara nga Top Channel, arrestimi u bë pas një kërkese ekstradimi nga Interpol i Tiranës. Nako, 40 vjeç, akuzohet për tri vepra penale të lidhura me vjedhjen e parave të klientit, Nikolla Nika.
Në datën 15 tetor 2018, Nako grabiti 4,000 euro nga llogaria e Nikës. Një vit më pas, më 8 Qershor 2019, ai përsëriti veprimin, duke vjedhur 1,300,000 lekë nga e njëjta llogari.
Akuzat e tij vazhdojnë më 26 korrik 2019, kur ai vodhi edhe 550,000 lekë të tjera nga klienti. Nako pritet të dalë përsëri para gjykatës në Londër më 11 nëntor 2025.
Operacioni për kapjen e tij u finalizua pas një hetimi katërmujor, si rezultat i denoncimit të bërë nga banka, e cila njoftoi për incidentin dhe mori masa për mbrojtjen e interesave të klientit. Në atë kohë, Nako kishte dhënë dorëheqjen nga posti si drejtor.
Banka që e punësonte Nako, në reagimin e saj, thekson se ka ndërmarrë të gjitha masat e duhura në përputhje me procedurat e brendshme dhe ligjin, duke bashkëpunuar me organet kompetente për zbardhjen e rastit.
