Zenun Elezaj, kandidati për kryetar të Klinës nga Aleanca për Ardhmërinë e Kosovës (AAK), ka kritikuar Qeverinë për mbështetje të pamjaftueshme gjatë mandatit të tij si kryetar i komunës, duke theksuar se në aspektin e menaxhimit të ujërave të zeza ka pasur zero interesim nga Ministria e Mjedisit. Ai shprehu nevojën për bashkëfinancim në këtë drejtim dhe theksoi se komuna ka kapacitet për të menaxhuar këtë çështje, por jo për të realizuar projektet ekzekutivë pa ndihmën qendrore.
Elezaj shpalosi edhe programin e tij për fushën e arsimit, duke premtuar ndërtimin e dy shkollave dhe një çerdheje. Ai shpjegoi se, për shkak të kërkesave të shumta, është i gatshëm ta ndërtojë një shkollë në Zllakuqan me buxhetin e komunës nëse Ministria e Arsimit nuk ofron mbështetje. Ai gjithashtu planifikon ndërtimin e një shkollë dhe një çerdheje në lagjen Dollc.
Në lidhje me sistemin shëndetësor në Klinë, Elezaj po ashtu e theksoi mungesën e mjekëve dhe nevojën për angazhimin e Ministrisë së Shëndetësisë për të përmirësuar kushtet e pagave për ta. Ai theksoi se, pavarësisht investimeve dhe përmirësimeve që janë bërë në Qendrën Kryesore të Mjekësisë Familjare, problemi me mungesën e specialistëve mbetet evident. Elezaj gjithashtu përmendi se kanë filluar ndërtimin e një QMF-je dhe urgjence në lagjen e Dollcit me mbështetje nga donacionet pranuara nga Katari.
Sipas Elezajt, e ardhmja e Klinës kërkon bashkëpunim më të ngushtë me nivolet qendrore, veçanërisht në fushat e mjedisit dhe shëndetësisë, për të siguruar përmirësimin e kushteve për qytetarët. Ai do të përballet në balotazh me Sokol Bashotën nga PDK, në zgjedhjet e parashikuara pas asaj që ndodhi më 12 tetor.
