Nico Williams ka qenë një nga emrat më të përfolur në afatin kalimtar veror, pasi shumë klube ishin vënë pas tij.
Barcelona ka qenë një nga skuadrat më të interesuara, megjithatë në fund vet lojtari vendosi të qëndronte në Bilbao për të luajtur në garat evropiane, një ëndërr që e bëri realitet.
Por sulmuesi anësor mund të mos e përfundojë sezonin tek baskët, pasi janë shtatë top klube që janë të gatshme ta paguajnë klauzolën e tij në janar.
Marca ka raportuar se gjigantët anglezë si Man Utd, Arsenal, Chelsea dhe Tottenham Hotspur e duan në Ligën Premier, derisa pas tij janë edhe Barcelona, Bayern Munich dhe PSG.
22-vjeçari ka një klauzolë largimi prej 58 milionë eurove, shumë që nuk përbënë aspak problem për klubet e lartpërmendura.
Gjithnjë sipas gazetës spanjolle, në janar pritet një luftë e madhe mes klubeve të lartpërmendura për t’i siguruar shërbimet e sulmuesit këmbëshpejtë.
Në 18 ndeshje këtë edicion me fanellë e Bilbaos, Nico Williams ka shënuar dy gola dhe ka asistuar në pesë të tjerë.
