Një ish-mësuese nga Virxhinia, e cila u qëllua me armë zjarri nga një nxënës 6-vjeçar dy vjet më parë, do të marrë 10 milionë dollarë dëmshpërblim, ka vendosur një juri.
Abigail Zuerner u plagos rëndë dhe iu desh t’i nënshtrohej disa ndërhyrjeve kirurgjikale pas incidentit në janar 2023.
Mësuesje u qëllua një herë nga nxënësi gjatë orës së mësimit në Newport News, plumbi i kaloi nëpër krah dhe në gjoks.
“Shikimi në fytyrën e nxënëses është kujtimi më i gjallë që kam”, dëshmoi Zuerner, sipas BBC-së .
Ajo kishte ngritur një padi prej 40 milionë dollarësh kundër ish-ndihmësdrejtoreshës së shkollës, Ebony Parker, duke pretenduar se nuk veproi kur u paralajmërua se nxënësi mund të kishte sjellë një armë në shkollë atë ditë. Parker ishte paralajmëruar për armën 45 minuta më parë, dëgjoi gjykata.
Juria (tre burra dhe katër gra) u pajtua me padinë se mosveprimi i Parker përbënte neglizhencë të rëndë. Padia përshkruan një incident në të cilin Zuerner dyshohet se i tha Parker se fëmija ishte në një “gjendje të dhunshme” dhe kishte kërcënuar një fëmijë tjetër.
Avokati i Parker, nga ana e tij, argumentoi se ajo nuk mund ta dinte se çfarë do të ndodhte dhe se Zuerner e ekzagjeroi shkallën e lëndimeve të saj.
Gjyqi civil do të pasohet nga një gjyq penal në të cilin Parker përballet me tetë akuza për neglizhencë ndaj fëmijëve, të cilat mbartin një dënim maksimal prej pesë vjetësh burgim.
Nëna e nxënësit u dënua me gati katër vjet burg për neglizhencë ndaj fëmijëve dhe akuza federale për armëmbajtje pa leje. Nxënësi nuk është akuzuar.
Ai thuhet se është nën kujdesin e një të afërmi dhe është i regjistruar në një shkollë tjetër.
