Deputetët e PS janë pritur me protestë jashtë Parlamentit, ku qytetarë protestuan kundër projektligjit për Barazinë Gjinore kanë bërtitur “turp kombëtar” drejtuar socialistëve.
Protestuesit kanë qëndruar jashtë ambienteve të Parlamentit gjatë ditës së sotme, ndërsa Parlamenti miratoi pak momente më parë projektligjin me 77 vota pro.
Sakaq, kreu i PD Sali Berisha i shoqëruar nga deputetët demokratë u është afruar protestuesve pas seancës plenare duke komunikuar me ta.
Vetë Berisha e ka kundërshtuar ashpër projektligjin, duke e cilësuar si hapje të rrugës për instalimin e një ideologjie të rrezikshme.
