Qeveria e Afrikës së Jugut njoftoi se ka marrë thirrje për ndihmë nga 17 qytetarë të saj që janë bashkuar me forcat mercenarë në konfliktin mes Rusisë dhe Ukrainës. Burrat janë nga mosha 20 deri në 39 vjeçare dhe ndodhen të bllokuar në rajonin e Donbasit, i shkatërruar nga lufta. Presidenti Cyril Ramaphosa ka urdhëruar një hetim për rrethanat që çuan në rekrutimin e këtyre të rinjve në aktivitete mercentarësh. Një zëdhënës i qeverisë theksoi se nuk dihet se cilësra anë e konfliktit i janë bashkuar këta qytetarë.
Në Afrikën e Jugut, puna si mercenar është e paligjshme, përveç në rastet kur akordohen nga qeveria. Sipas qeverisë, burrat ishin tërhequr me premtimin për kontrata të mira financiare. Zëdhënësi Vincent Magwenya përmendi se qeveria po punon përmes “kanaleve diplomatike” për të siguruar kthimin e tyre. Gjashtëmbëdhjetë nga këta burra janë nga KwaZulu-Natal, ndërsa një nga Eastern Cape.
Presidenti Ramaphosa dhe qeveria e Afrikës së Jugut kanë dënuar fort shfrytëzimin e të rinjve nga individë që punojnë për entitete ushtarake të huaja. Analistët e lidhin këtë fenomen me normat e papunësisë që kalojnë mbi 30%, e sidomos të rinjtë, duke i bërë ata të prekshëm për rekrutimin.
Një hetim nga BBC zbuloi se Kremlini po punon për të zgjeruar sferën e tij të influencës në Afrikë. Grupe mercenarësh si Africa Corps, të kontrolluar nga Ministria e Mbrojtjes Ruse, kanë zëvendësuar grupin rival Wagner në Afrikën Perëndimore. Në gusht, qeveria e Afrikës së Jugut paralajmëroi gratë e reja të mos bien pre e mundësive të punësimit në rrjetet sociale që promovojnë punë jashtë vendit, veçanërisht në Rusi.
Një hetim tjetër ka treguar se gratë e reja janë dërguar në Zonën Ekonomike Speciale Alabuga në Rusi, ku punojnë në fabrikat e dronëve. Po ashtu, keniakët dhe shumë të tjerë janë shpëtuar nga një rrjet të trafikimit që i kishte tërhequr me oferta pune, por që në të vërtetë kishin për qëllim t’i dërgonin për të luftuar në Ukrainë.
Ukraina ka mbajtur qytetarë nga vende të ndryshme si Somali, Sierra Leone dhe Nigeria në kampet e luftës dhe ka qenë nën kritikë për përpjekjet e saj për të rekrutuar kombësi të huaja që të luftojnë në anën e saj.
