Afati për deklarimin e të ardhurave individuale është afër fundit. Deri më 31 mars 2025 të gjithë individët të cilët rezultojnë me pagë neto të barabartë me 100.000 lekë të reja ose mbi këtë vlerë janë të detyruar të plotësojnë deklarimin. Po ashtu edhe personat që rezultojnë dy ose më shumë të punësuar e kanë detyrim të plotësojnë deklarimin e të ardhurave.
“Afati zyrtar i këtij viti është 31 marsi për periudhën e raportimit. Të gjithë individët që kanë të ardhura mujore më të mëdha ose të barabarta me 100.000 lekë të reja. Apo deklarimi i dy apo tri punësimeve edhe nëse nuk është në vlerën e barabartë ose më të madhe se 100.000 lekë të reja është detyrim ligjor i parashikuar në Diva që të deklarohet. Kjo vlen për qytetarë që jetojnë në vendin tonë ose edhe të huajt që jetojnë dhe punojnë në Shqipëri. Mos raportimi përveç penaliteteve financiare ka edhe penalitete ligjore dhe masa të tjera ndëshkuese. Dorëzimi dhe plotësimi i deklaratës individuale kryhet vetëm online” , është shprehur ekspertja në Report Tv, ku ka vijuar më tej të sqarojë edhe hapat se si ta realizoni me sukses procesin e regjistrimit dhe të plotësimit të deklaratës.
