Më 2 mars 2026, Gjykata Themelore në Ferizaj ka dhënë një aktgjykim dënues ndaj të pandehurit me inicialet B.S., duke e dënuar me 16 vjet e 6 muaj burg për kryerjen e veprave penale të sulmit seksual ndaj të miturve në vazhdimësi.
Vendimi u shpall nga gjyqtari Shabi Idrizi.
Sipas aktgjykimit, i dënuari është shpallur fajtor për dy raste të veçanta të veprës penale “Sulm seksual”, të kryera gjatë periudhës qershor 2024 – shkurt 2025.
Viktimat kanë qenë të mitur, kryesisht djem 12 dhe 13 vjeç. Për secilën vepër penale ai është dënuar me nga 10 vjet burgim, ndërsa gjykata ka shqiptuar një dënim unik prej 16 vjetësh e 6 muajsh.
Ky vendim konsiderohet një hap i rëndësishëm në adresimin e krimeve seksuale ndaj fëmijëve dhe thekson angazhimin institucional për mbrojtjen e të miturve.
Palët kanë të drejtë ankese brenda 30 ditëve nga pranimi i aktgjykimit në formë të shkruar. Ankesa paraqitet në Gjykatën e Apelit përmes Gjykatës Themelore në Ferizaj.
