Të paktën 13 persona janë shoqëruar deri në këto momente lidhur me tensionet e regjistruara gjatë protestës së opozitës para Kryeministrisë dhe Parlamentit.
Gjithashtu mësohet se për shkak të tensioneve janë plagosur 16 persona. Tre prej tyre kanë marrë djegie nga molotovi i hedhur. Dy prej personave me djegie mësohet se kanë plagë të rënda.
I plagosur ka mbetur edhe deputeti Bledion Nallbati. Ai ka marrë dëmtime të rënda për shkak të dhunës së policisë dhe përdorimit të gazit.
