Presidenti i FIFA-s, Gianni Infantino, ka bërë të ditur sot zyrtarisht se pushimi midis pjesëve në finalen e Kupës së Botës do të zgjasë më shumë se zakonisht. Lajmi u komunikua gjatë ceremonisë së shortit të fazës së grupeve të Botërorit 2026, e cila po zhvillohet në këto momente në John F. Kennedy Center for the Performing Arts, në Washington DC, SHBA.
Infantino konfirmoi se finalja do të ketë një shfaqje të re gjatë ndërprerjes — një format i ngjashëm me “halftime show” të Super Bowl — duke e kthyer pushimin midis pjesëve në një spektakël argëtimi me muzikë, performanca dhe elementë vizualë.
Synimi është që finalja të mos jetë vetëm një ndeshje futbolli në nivelin më të lartë, por edhe një event global argëtimi, duke e bërë përvojën e shikuesve edhe më të veçantë.
