Një banesë në fshatin Gajush të Lezhës është përfshirë nga flakët, duke shkaktuar dëme të mëdha materiale. Banesa është në pronësi të Pjetër Gjonajt, dhe në momentin e zjarrit, brenda shtëpisë ndodheshin një çift i moshuar dhe një fëmijë.
Ata kanë pësuar probleme shëndetësore për shkak të tymit dhe zjarrit dhe janë dërguar menjëherë në spital për ndihmë mjekësore. Zjarrfikësit kanë ndërhyrë në kohë për të lokalizuar dhe shuar flakët, duke parandaluar përhapjen e mëtejshme të zjarrit.
Shkaqet e zjarrit nuk dihen ende, dhe autoritetet kanë nisur hetimet për të zbuluar rrethanat e ngjarjes.
