Një zjarr ka përfshirë një banesë në fshatin Vloccisht të bashkisë Maliq në orët e para të mëngjesit.
Zjarri ka shkaktuar dëme të konsiderueshme materiale, por fatmirësisht nuk ka persona të lënduar.
Në vendngjarje kanë ndërhyrë dy mjete zjarrfikëse, të cilat kanë mundur të izolojnë flakët dhe të parandalojnë përhapjen e tyre në banesat përreth.
Sipas grupit hetimor, dyshohet se shkak i zjarrit mund të ketë qenë rrjeti i amortizuar që ka shkaktuar shkëndija elektrike.
Policia po vijon veprimet hetimore për të përcaktuar rrethanat e sakta të incidentit.
