Një azil privat në Tiranë është përfshirë nga zjarri pak pas mesnate.
Ngjarja ka ndodhur në rrugën “Ali Visha”. Dyshohet se shkak i zjarrit është bërë një batanije elektrike.
Mësohet se 4 persona kanë mbetur të lënduar dhe janë transportuar drejt spitalit për ndihmë të specializuar mjekësore.
Ende nuk dihet shkalla e djegies së të moshuarve, apo detaje nga incidenti. Policia ka nisur hetimet për zbardhjen e detajeve të ngjarjes.
